7月1 日睇完回歸杯，一行5人去左銅鑼灣樓上鋪食私房齋，雖然我之前做的公司就是素食品的批發，日日係公司都食齋，不過上到來呢間店的食品又是一種新的體會呢！

第一道菜係一個雜錦拼盤，有壽司、素肉、雜菜，壽司、素肉都好迫真，而雜菜又好開胃呢！

釀茄子： 茄子內釀入素雞肉，之後香煎，味道岩岩好，不過油左d

日式芝士焗年糕：好香日，好煙un，正！

釀蘿蔔：表面有素蟹黃，內有素肉(大豆纖維)，清清地，唔錯！

葡式咖喱：有雜菜、素豬肉丸、素魚蛋等等，唔太辣，岩我，餸飯一流！

加了糙米的飯，四四方方，幾得意！

海帶豆腐花生湯：無加味精，一飲再飲！

咕嚕魚+牛肉丁： 有素牙帶魚、牛肉粒、登籠椒等等，甜甜地，幾好味！

腰果露：勁甜~

每人$165，老實講，真係有d貴，特別係我做左素食公司，知道來貨價等等，而且份量好少，一個正常的男人一定唔夠食.......

不過環境好，招呼好，可以取番一d分數！大家如果有興趣，一定要book位呀，朋友話最少要4位呢！